عورت کے ماں،بیٹی،بیوی اوربہن جیسے عظیم روپ ہیں۔ شہلا رضا

 عورت کے ماں،بیٹی،بیوی اوربہن جیسے عظیم روپ ہیں۔ شہلا رضا۔

میرپورخاص۔۔ عوامی ساماچار آن لاٸن ۔      

صوبائی وزیر وومین ڈیولپمنٹ سیدہ شہلا رضا نے کہا ہے کہ عورت کے ماں،بیٹی،بیوی اوربہن جیسے عظیم روپ ہیں جن کی قدرکرناچاہئے عورت کو انصاف ملے بغیر معاشرہ ترقی نہیں کرسکتا ان خیالات کااظہارانہوں نے سیکریٹری وومین ڈیولپمنٹ مس انجم اقبال جمانی، ڈائریکٹر وومین ڈیولپمنٹ مہیش لال دودانی،ڈسٹرکٹ آفیسر وومین ڈیولپمنٹ طارق وحید گڈانی اورمحکمے کے دیگر افسران کے ہمراہ زیر تعمیر دارلامان کی عمارت اورڈسٹرکٹ وومین ڈیولپمنٹ آفس کا دورہ کرتے ہوئے کیا انہوں نے کہا کہ میرے یہاں آنے کا مقصد تعمیراتی کام کو دیکھنا،دفتر کے مسائل اسٹاف کی کمی اوردیگرمسائل کو حل کرانا ہے انہوں نے کہا کہ ضلع انتظامیہ میرپورخاص کے زیر اہتمام چلنے والے سیف ہاؤ س میں وومین ڈیولپمنٹ ڈپارٹمنٹ کا تعاون شامل ہے سیف ہاؤس میں میرپورخاص کی متاثرہ عورتوں کو 48گھنٹوں کیلئے پناہ میں رکھاجاتا ہے عدالت 

کے حکم کے بعد 

میرپورخاص،عمرکوٹ اورتھرپارکر کی متاثرہ عورتوں کو دارالامان منتقل کیا جاتا ہے انہوں نے کہا کہ دارلامان میرپورخاص کی عمارت کا 90 فیصد کام مکمل ہوچکا ہے بقایاکام جلد کرنے کی ہدایت کی گئی ہے دارلامان بننے کے بعد ایک حصے میں وومین ڈیولپمنٹ کے ڈپٹی ڈائریکٹوریٹ،ڈسٹرکٹ آفس، وومین کمپلینٹ سیل،عورتوں کی ٹریننگ ڈے کیئرسینٹر اوردوسرے حصے میں دارلامان میں رکھا جائے گاانہوں نے کہا کہ دارلامان اورٹریننگ سینٹر کو عورتوں کی بھلائی کے کاموں کیلئے فلاحی تنظیموں کے تعاون سے چلایا جائے 

گا۔